Առողջապահական իրավունքների պաշտպանության ծրագիր

Ծրագրի նպատակն է

Բարձրացնել համայնքների իրազեկությունը իրենց առողջապահական խնդիրների և իրավունքների վերաբերյալ, վարքագծի փոփոխության եւ առողջապահական իրավունքի պաշտպանության միջոցով ՀՀ Վայոց Ձորի եւ Սյունիքի մարզերի 30 գյուղական համայնքներում:

Հիմնական գործունեություն

• Գյուղերի ընտրություն ըստ սահմանված չափանիշների:
• Հետազոտությունների անցկացում
• վերջին երկու տարիների ընթացքում հիվանդի առողջապահական իրավունքների խախտման դեպքերի, հիմնական դեպքերի բնույթի վերաբերյալ և դրանց ազդեցությունը հիվանդի սոցիալական վիճակի վրա
• գյուղի բնակչության իրազեկման աստիճանը պետության կողմից տրամադրվող ԱԱՊ ծրագրերի մասին:
• Առողջապահության քաղաքականությունների մշակման նպատակով հետազոտության արդյունքների ներկայացում հանրային քննարկումների և կլոր սեղանների կազմակերպման միջոցով:
• Առողջապահական իրավունքների վերաբերյալ ինֆորմացիոն թերթիկների տպագրում և տարածում ծրագրային գյուղերում (6000 օրինակ):
• Տարածաշրջանային առողջապահական իրավունքների պաշտպանի գործունեության մասին տեղեկատվության տարածում:
• Եղեգնաձորում, Իջևանում և Կապանում Թեժ Գծի ստեղծում, ապահովելով շահառուների կապը առողջապահական իրավունքների պաշտպանի հետ, բողոքների ու իրավունքների խախտման դեպքերի գրանցում և համապատասխան արձագանքում:
• Կլոր սեղան - քննարկումների կազմակերպում բոլոր շահագրգիռ կողմերի հետ /մարզային առողջապահական մարմինների, տեղական առողջապահական հաստատությունների ներկայացուցիչների, տեղական ինքնակառավարման մարմինների, համայնքի անդամների/ եւ ծրագրի արդյունքների ներկայացում:

Ծրագիրը ֆինանսավորվում է Օքսֆամ ՄԲ կազմակերպության կողմից: