Առողջության պահպանման Սյունիքի հիմնադրամ

Հիմնական տեղեկություններ

Առողջության պահպանման Սյունիքի հիմնադրամը ստեղծվել է 2001թ.-ին «Ապավեն համայնքներին» ՀԿ - ի կոմից: Այն պաշտոնապես գրանցվել է ՀՀ արդարադատության նախարարությունում 2001 թ. մայիսի 11-ին:
Բարձրագույն ղեկավար և վերահսկողություն իրականացնող մարմինը հիմնադրամի հոգաբարձուների խորհուրդն է, որ կազմված է 7 անդամներից: Հիմնադրամի հոգաբարձուների խորհրդի անդամներն են` «Ապավեն համայնքներին» ՀԿ, (հավատարմագրային կառավարիչ), Օքսֆամ ՄԲ հայաստանյան գրասենյակ, ինչպես նաև ներկայացուցիչներ Սյունիքի մարզի կառավարական և ոչ կառավարական կազմակերպություններից:

Նպատակներն են`

• Աջակցել համայնքներում առողջության առաջնային պահպանմանը:
• Աջակցել համայնքների սոցիալական եւ առողջապահական պաշտպանության բարձրացմանը:
• Աջակցել համայնքներում առողջապահական ծառայությունների բարելավմանը:
• Աջակցել համայնքների զարգացմանը:

2001 թվականից հիմնադրամը իրականացրել է բազմաթիվ համայնքային ծրագրեր, ինչպիսիք են համայնքի համախմբման, առողջության առաջնային պահպանման բարելավման, առողջապահական իրավունքների պաշտպանության, կանանց առողջության պահպանման, կենսապահովման միջոցների խթանման և բազմաթիվ այլ ծրագրեր Սյունիքի մարզի 53 գյուղական համայնքներում, որն ընդգրկում է ավելի քան 16000 շահառու, որի մոտ 15% - ը փախստականներ են: Որոշ ծրագրեր իրականացվել են «Ապավեն համայնքներին» ՀԿ-ի հետ համատեղ:

2007 թ-ին հիմնադրամում բացվեց Առողջապահական տեղեկատվական կենտրոնը, որը ֆինանսավորվեց Ջինիշյան Հիշատակի Հիմնադրամի կողմից: Այն հագեցած է համապատասխան կահույքով, ունի հեռուստացույց և DVD նվագարկիչ, առողջապահական մի շարք տեսանյութեր, գրքեր, պարբերականներ և այլ անհրաժեշտ նյութեր: Կենտրոնի այցելուների համար ներդրվել է նյութերից օգտվելու ճկուն մեխանիզմ: Կազմակերպվել են մի շարք դասընթացներ, կլոր սեղան – քննարկումներ և հանդիպումներ:

Հիմնադրամի հիմնական աշխատակազմն է`

Շահեն Բաբայանց - Գործադիր տնօրեն, Ծրագրի ղեկավար

medikfond@rambler.ru

Անուշ Քարամյան - Ֆինանսների կառավարիչ

ankaramyan@mail.ru

Դոնորներ / Գործընկերներ

Հիմնադրամը սերտորեն համագործակցում է ազգային և միջազգային հասարակական կազմակերպությունների, պետական կառույցների և այլ շահագրգիռ կողմերի հետ: Հիմնադրամի դոնորները / գործընկերներն են` Օքսֆամ ՄԲ հայաստանյան գրասենյակ, Վորլդ Վիժն Հայաստան, Ջինիշյան հիշատակի հիմնադրամ, ԱՄՆ ՄԶԳ, Միջազգային օգնություն և զարգացում(IRD), ՀՀ Առողջապահության նախարարություն: